Skreið vegglímmiði

Fallegir vegglímmiðar frá fyrirtækinu VEGG sem sérhæfir sig í hönnun vegglímmiða. Límmiðarnir eru úr sterkri fjölliðafilmu og hafa því ekki tilhneigingu til að flagna af. Þeim er pakkað í fallegar og handhægar umbúðir og eru því tilvaldir til gjafa.

Íslendingar hafa líklega þurrkað fisk sér til lífsviðurværis frá upphafi landnáms. Salt var lengi af skornum skammti á Íslandi og því ekki hægt að salta mat til geymslu. Allan fisk sem átti ekki að borða nýjan þurfti því að herða með þurrkun og kallast slík vinnsla skreiðarverkun. Skreið hefur verið vinsæll matur á borðum landsmanna í aldanna rás, allt í senn holl, góð og næringarrík fæða. Hin síðari ár hefur hennar fyrst og fremst verið neytt í formi harðfisks sem er unninn úr ýmsum fisktegundum, þó aðallega ýsu og steinbít. Léttbarinn harðfiskur með vænni smjörklípu hefur alla tíð þótt herramannsmatur. Á þorrablótum landsmanna er hann ómissandi ásamt hákarli og íslensku brennivíni.